من نفسي

بكسر النون

الاسم:
الموقع: الدقهلية- القاهرة, Egypt

الخميس، مايو 18، 2006

ستة وعشرون.. ويوم!

ستة وعشرون.. ويوم!ا
إحم.. كان من المفترض أن اكتب هذا الكلام الغريب بالأمس.. الناس العاقلة تفعل هذا..تحتفل بعيد ميلادها في يوم ميلادها وليس بعده بيوم! لكن بالأمس ضاع الوقت في الاحتفال مع وكالات الأنباء و المحطات الفضائية والاتصالات التليفونية بدرجة لم تجعلني أجد وقتا اشم فيه نفسي..هأكتب امتى يعني! حياة المشاهير صعبة صدقوني!
العام الماضي كتبت وأنا احتفل بمرور ربع قرن على وجودي في هذه الحياة عن النحلة التي تعيش أربعين يوما فقط لتعطي الدنيا وهي راحلة خمسة جرامات من العسل ..وكنت أتساءل أي عسل تركته ورائي وقد عشت ربع قرن وأي عسل سأتركه خلفي بعد أن أموت؟!
حتى اليوم لا أعرف الإجابة عن السؤال لكن من الإنصاف والرضا بنعمة الله وشكره عليها أن أقول بأن السنة الماضية كانت لطيفة جدا من الناحية العملية.. فعلت أشياء جيدة في مجال عملي بـ"بص وطل"..أو على الأقل أزعم هذا.. طبعا هببت الدنيا في حاجات تانية في نفس المكان بس ماعلينا ! ثم جاءت صفحة الرأي"بريد القراء يعني!" التي أحررها في الدستور لتحقق لي حلما لم اتخيل مطلقا أنه يمكن أن يحدث في هذه الفترة الزمنية القصيرة... صحيح أن الأستاذ هيكل لم يرسل لي حتى الآن إيميلا يؤكد فيه أني عبقري الصحافة المصرية الجديد! وصحيح أن مصطفى أمين رحمه الله لم يعطن جائزته في التميز الصحفي! إلا أن لله الحمد من قبل ومن بعد..
هذا رغم أني أشعر في الأيام الآخيرة من سنتي الخامسة والعشرين بحالة شنيعة من حالات عدم الرضا عن النفس بوجه عام وعن عما أكتب بوجه خاص..لدي إحساس –يصل إلى درجة اليقين أحيانا- بأن مستوى ما أكتبه يتراجع ولايتقدم..إلا أني هاهنا أقيس ماحدث بشكل عملي بحت.."ماذا كنت العام الماضي وماذا أصبحت هذا العام"
صحيح لسه مالقناش "البنية" لغاية دلوقت..ولسه الأمور في الحب والذي منه ماشية معايا عكس عكاس..يعني التي أشعر تجاهها بأنها ممكن تكون مشروع هائل لحبيبة أو زوجة تنفض لي –حدث بالفعل السنة الماضية!- والتى لا أشعر تجاهها سوى بمشاعر عادية أظن- وبعض الظن إثم وخطأ- أنها ترى في ما هو أكبر من ذلك..
بس ميضرش..
أكيد ربك هيفرجها..
ثم إني وأنا استقبل عامي السادس والعشرين انتظر بكل فرحة ودهشة واستغراب قدوم أول بنوتة للحياة ستقول لي "عمو محمد أهه!"..الفرحة طبعا لكون أخي- أقصد زوجة أخي!- ستنجب لنا في القريب إن شاء الله "خوخة" كما ندلعها الآن قبل أن تأتي للحياة... والاندهاش لأني يبدو بالفعل قد كبرت للدرجة التي سأصبح فيها عما..
م الآخر - عشان الناس اللي زهقت وهي بتقرأ-
حلوة السنة اللي عدت إلا قليلا والحمد لله
وينوبكم ثواب ياللي بتقرأوا..تدعو أن السنة اللي جاية تكون حلوة إلا أقل القليل ليكم ..ولي طبعا ..لأحسن أزعل كده!

18 Comments:

Anonymous دعاء غريب said...

كل سنة وانت أطيب وأسعد
والسنة الجاية كده تحتفل بعيد ميلادك برضوا في السنيما بس مش لوحدك يبقي معاك حد اقصد حداية زي القمر
ومبروك ياعمو علي خوخة عقبال مشمش كمان
واخيرا بقي ربنا يوفقك في الشغل ولو كان ليه عتاب :فين يامحمد المقاله الساخرة اللي كانت في باب بحبك موت هه؟؟

9:52 ص  
Blogger nanosa said...

كل سنة وانت طيب
عارفة قولتهالك كتيييييييييييير قبل كده وان انت زهقت بس لازم تستحمل أهي أيام ولازم تعيشها!! 26 سنة الرقم كبير بس ما يخضش برضه الوقت لسه ما جريش ولسه قدامك كتير.. الناس العاقلة بتكتب يوم عيد ميلادها لكن مين قال ان انت عاقل؟؟

عارفة اني كلمتك في الموضوع ده قبل كده وهفضل أقولك لغاية لما تزهق وتقتنع مين قال ان المستوى بيتراجع بالعكس اللي كان هواية زاد عليه الخبرة بس اللي بيخليك تحس بكده انه ما بقاش هواية
الكلام عبيط ومش فاهم حاجة مني كالعادة بس اللي اقصده ان انت كنت بتكتب اللي بتحب تكتبه وبس دلوقتي بقى فرض عليك انك تكتب في أوقات انت فيها مش في موود كتابة وساعات في مواضيع انت مش حابب تكتب فيها ده غير المعاناة الأزلية اللي عارفينها انا وانت من المحظورات وكتابة شيء يضيع سدى -مش هدى على رأي أحمد عمار- ها ها ها عارفة عارفة دمي يلطش!!

عموما مبروك يا عمو على أول خوخة وان شاء الله السنة الجاية خوخة يبقى لها ابن عم وتلاقي البنية اللي مدوخاك ومدوخانا معاك
وماتقلقش من العكس عكاس الأيام كفيلة انها تصلح الأمور كلها وربك موجود وأكيد هيفرجها!!

عارفة اني طولت وانك اتخنقت بس بجد كان لازم أقولك كل سنة وانت طيب
مش عارفة ليه كنت جايبة في سيرتك مع حسام امبارح وقولتله محمد ده حد محترم أوي وطيب قوي ويعتمد عليه بجد وهو بالنسبة لي أكتر من أخ -واخد بالك يا أخ- يا رب السنة الجاية تحقق اللي بتحلم بيه وتجيب بنوتة حلوة كده -أكيد لمامتها يعني- وتقولي يا طنط!!

10:40 ص  
Blogger أبوشنب said...

أنا حاسس أني دخلت هنا غلط

بس ممكن أسيب تعليقي بإسم مستعار

ستوتة مثلاً


كل سنة وانت طيب يا كبير

12:22 م  
Blogger ميشيل حنا said...

كل سنة وانت طيب. وعقبال ما نشوفك رئيس تحرير الأهرام ورئيس المجلس الأعلى للصحافة.
:)

12:59 م  
Blogger Lasto-adri *Blue* said...

يااااااااه
لسا فاكرة لما دخلت عندك السنة اللى فاتت ولقيت صورة الشمعة أم 25 فيها وقلتلك كل سنة وانت طيب وعقبال ما تعيش لحد ما تقول يا بس

الوقت بيعدى هوا يا محمد قوى...... سنة بحالها.... وبقيت 26
وكلها كام يوم ونقول لك كل سنة وانت طيب فى التلاتين والأربعين والخمسييييين... واديها بقى العداد مفتوح ان شاء الله

طب اقول لك ايه السنة دى بقى.. اقول لك ايه .. اقول لك ايه؟؟؟
مش عارفة.... اختار ليك امنية وحطها على لسانى... والزق جانبها "كل سنة وانت طيب"... وكرت معايدة رقيق عليه اشكال لورود كدة وناس لابسة طراطير.. وفى الآخر امضاء
"اللى يتتمنى لك كل الرضى فى الحياة"
سلاماتى ليك..
ايمان


يلا يا عم.. اديك وصلتك منى هدية اهه
:P

معلش الامتحانات اصابتنى بنوبات رغى متصلة
سلاااااام.. وكل سنة وانت طيب للمرة السادسة والعشرين

1:40 م  
Blogger rony_al3geeb said...

كل سنة وانت طيب
ومليووون مبروك على خوخة وعقبال شلبية وحنظلة وشلقامى

2:53 م  
Blogger film69 said...

كل سنة وأنت طيب يا محمد
بس حاول تغير البرج بتاعك!!
أصل برج الثور ناس كويسين بس..
عموما
كل سنة وأنت طيب وعقبال 98 سنة

5:03 م  
Blogger Tamer said...

كل سنة وانت طيب يا كابتن
وعقبال مليار و 158 سنة بس
لان اكتر من كده الصراحة يبقى رخامة قوى

سيبك بقى ياعم من اللى كان واللى كان وفكر فى السنة اللى جايه احسن
هتلاقى التفكير احسن لان الواحد فى عيد ميلاده دايما بيملكه شجن ولو فكر فى اللى فات هيحزن اكتر
يبقى انت اضحك على عيد ميلادك وطنش اللى فات

8:19 م  
Blogger محمد هشام عبيه said...

دعاء غريب:يافندم ميرسيييييي كتير على الكلام الحلو ده..وبخصوص حداية السينما يسمع من بقك ربنا..قادر على كل شيء..خوخة بتسلم عليك أما بخصوص المقالة الساخرة في بحبك موت فقد توقفت بناء على طلب الجمهور! لأننا غيرنا ن شكل الباب بس برضه لما كتبت مااستحملتش وحاولت أقلبها مسخرة على قد ما أقدر..محدش واخد منها إلا الضحكة
نانسي:يافندم أحمر وجهي -حتى شوفي- من كلامك ..ومبسوط قوي أنك اعترفت اخيرا بأني مش عاقل!أما بخصوص خوختي المنتظرة فيامسهل يارب..مع ان الخوخ غالي اليومين دول.صباحك سدى
أبوشنب:وأنت طيب ياكبير المصريين في قطر..ومتخافش بأسمح أحيانا لغير البنات بالدخول في المدونة!
ميشيل: ياباشا متحرمش واشوفك كده رئيس تحرير الصيادلة اليوم!
إيمان"لست أدري":وأنا كمان فاكر اللي كتبيته السنة اللي فاتت حتى كنت مندهشة من أن عمري وقتها 25 سنة بس..مش عارف ليه الصراحة!العمر بيعدي فهلا كالصاروخ خاصة في السنين الأخيرة ..الظاهر ركبوا له محرك جديد!
تهنتك وكارتك ووردوك ودعوتك لي من أرق وأجمل الهدايا التي وصلتني في عيد ميلادي..أشكرك بشدة وبعنف..وبعدين حق الرغي مكفول لكل الناس الجدعان اللي زيك..شدي حيلك في الامتحانات
روني العجيب: يادكتورة متحرمش..مين حنظلة ده..طب خوخة فاكهة..وده أصله إيه ده
فيلم: وأنت طيب.. ربك يسهل واقدر أغير البرج..مع أن الشقق غالية اليومين دول..وكفاية علي 97 سنة بس
تامر:ميرسي ياأستاذ..وأنا برضه بأقول كفاية مليار سنة ..الواحد هينهب يعني

6:03 ص  
Blogger Dido's^^^ said...

كل سنة و انت طيب .. لا بد من يوم تتحقق فيه الأحلام
don't worry :)

12:08 ص  
Blogger Hend Nour said...

الأستاذ/ محمد هشام عبيه...د

متتخضش لازم الأسم يتقال كامل لمعرفتي اعتزازك الشديد بهذا الأسم ولأعتزازي انا شخصياً بصاحب الإسم...د

مش عارفه ليه لما حبيت أعلق على الـ post بتاعك مجاش في دماغي غير حاجة واحدة وهي أمنية بجد أتمني من ربنا تحقيقها وهي...د

"بما انك صديق وزميل وأخ عزيز جداً جداً جداً عليا وعلى زوجي العزيز.. فبنتمني ان كل أعياد ميلادك وأعياد ميلادنا القادمة نكون مع بعض بس مش 3 لأن ده مرفوض لازم على الأقل نكون 4 -فاهمني طبعاً- ولا مانع اننا كمان سنتين ولا حاجة نكون 6 ولا 7 ويكون لكل واحد فينا كيلو خوخ لوحدة"...د

وأخيراً أحب أطمنك ان العسل اللي منتظر تسيبه في الدنيا وصل على الأقل لأتنين من البشر -انا وزوجي العزيز برضه- لأن ببساطة وجودك بيخلي الدنيا حلوة اه والله تصدق!!...د

كل سنة وانت طيب ياباشا...د

رفقاء الكفاح وجاد وبريجو وغريب وظاظا والذي منه...د

أحمد & هند

1:53 ص  
Blogger نعناعة said...

كل سنة وانت طيب ... مبروك خوخه وعقبالك

7:51 ص  
Blogger محمد هشام عبيه said...

ديدو: وأنت طيبة..وأنا مش ووري خالص ومستني الإحلام تتحقق..دعواتك
هند وأحمد: ياباشا ميرسي كتير على الكلام اللي يقعشر الجسم ده!
وإن شاء الله نحتفل رباعيا قريب بعيد ميلادنا أحدنا.. وممكن نعمل ده في بريجو أو غريب أو ظاظا..سيبك من التجمع الخامس ده.
نعناعة: ميرسي يافندم وعقبالك أنت كمان

8:26 ص  
Blogger Ahmed Shokeir said...

دلوقتي انا فهمت ليه قلت إنك هاتكتب يوم 17 مايو ، أصلي إستغربت أوي إشمعنى يعني يوم 17 مايو
كل سنة وإنت طيب يالورد

لدي إحساس –يصل إلى درجة اليقين أحيانا- بأن مستوى ما أكتبه يتراجع ولايتقدم

ده دايما عنوان النجاح ..صدقني

12:23 م  
Anonymous غير معرف said...

That's a great story. Waiting for more. isuzu 3lb1 diesel nsn paris hilton fatos Homeowners insurance coverage definitions Xtreme seat covers http://www.craps-basic-strategy.info/Where-can-i-find-urban-decay-cosmetics.html How do i dial international fax numbers

2:04 م  
Anonymous غير معرف said...

That's a great story. Waiting for more. Pee huge Australia stores proactiv solution Federal online gambling act law number Bargain dell latitude laptop batteries

3:07 ص  
Anonymous غير معرف said...

I have been looking for sites like this for a long time. Thank you! ferrari car ferrari racing new jersey law firm website design free nina ferrari free hairy pussy tiffany teen nude Monster babe Cheap gothic trench coats wedding invitations verses Lexi love Mazda mx-6 coolant sensor Adware uninstall block pop up ads

3:01 م  
Anonymous غير معرف said...

Very nice site! »

1:02 ص  

إرسال تعليق

<< Home