من نفسي

بكسر النون

الاسم:
الموقع: الدقهلية- القاهرة, Egypt

الثلاثاء، يناير 08، 2008

رباعية.. استعد


رباعية.. استعد



هيييييه.. دنيا.. عدت سنة هوا.. وأدي الربيع- أقصد معرض الكتاب- عاد من تاني.. وآدينا طلعنا لكم تاني.. والمرة دي بأربعة في عين اللي ما يصلي على النبي..
أدرك أن الكثير إن لم يكن الكل! قد نسى الموضوع أساسا.. ولهذا أعيد ماسبق أن قلته هنا من عام..
أتحدث عن "سلسلة أول سطر" التي أشترك في تأسيسها خمسة من الشباب اللي زي الورد- إحنا يعني!- بغرض إصدار كتب متنوعة بالتعاون مع دار ليلى.. العام الماضي أصدرنا كتابين "الأطباء لا يقولون آه" لد.بستاني نعمان التلباني ، و "الإنسان أصله.. جوافة" لصاحب هذه المدونة – أنا يعني!-.. وكان لطيفا جدا أن نفدت الطبعة الأولى من الكتابين في معرض الكتاب الماضي..

هذه المرة هناك أربعة كتب دفعة واحدة

حنين لـ"أحمد عمار"




حب بلون البنفسج لـ"دعاء سمير"






يوميات مدرس في الأرياف لـ"حسام مصطفى إبراهيم"






عزيزي "999" لـ" محمد هشام عبيه"- اللي هو أنا برضه!-






همتكم معانا بقى..الكتب ستتواجد في بعض مكتبات وسط البلد ابتدءا من الأسبوع القادم إن شاء الله وكذا ستتوفر في جناح دار ليلى في معرض الكتاب القادم- اللي ما أعرفش هيبقى فين لغاية دلوقت.. الجناح مش المعرض-
ونوالي الأخبار والتفاصيل تباعا
صباح الفل






40 Comments:

Blogger مروة جمعة said...

صباح الفل والورد على شباب أول السطر .. سبحان الله برضه حجزت التعليق الأول ! .. ماشاء الله عليكم - طيب يا أخي قول الله أكبر .. بكرة الخميس .. كان عندنا وردة وفتحت ..قل أعوذ برب الفلق ..! .. مايحسد الكتب إلا أصحابها .. لا بجد ماشاء الله ...لا قوة إلا بالله .. الأغلفة جميلة ..وطبعا البنوتة الجميلة اللي على غلاف د.أحمد "حنين" ماشاء الله - كنت زمان شبهها كده! - أما بالنسبة لغلافك أولا بما إنك العريس - أقصد صاحب المدونة طبعا!- فالغلاف أجمل من الغلاف الأول في الألوان ..والرسم " واحد اسمه طارق .. عثرت على اسمه بعد جهد!" .. يعني يشد ..يعني لو واحد معاه ابنه هيقول أنا عايز من ده يا بابا :)) - والولد بعدها يطلع ضابط يفدي وادي النيل بحياته ..وأحد الأسباب كتابك!- ربنا يبارك لك ،وللأساتذة حسام " والله شكلي هنافسك وهاكتب إن شاء الله ..يوميات مدرسة في الأدغال ! " .. ولدعاء الرقيقة" غلافها بصراحة أرق غلاف" ..وللدكتور أحمد ..ربنا يجعلهم قدم السعد والخير وكل حاجة حلوة في الدنيا ..
على فكرة الكتاب كان اسمه " الأطباء لا يقولون الآه".. ولو انه ما يضرش ..كله بقى جوافة!.. عقبال ما أشوف كتبكم مترجمة ..:)) .. صباح الورد

1:46 م  
Anonymous هيثم أبوخليل said...

أخي الفاضل / هشام عبية ....
كده الله ينور .... والجواب باين من عنوانه .... وواضح إنك داخل في الكتابة الساخرة وإحنا حتنيمنا من الفجر ..... وإيه 999 دي رقم الإسعاف ولا المطافي ...!!! عموماً ألف مبروك ... وبالتوفيق ....
مهندس /هيثم أبوخليل
مدونة متر الوطن بكام ...؟؟
http://metrelwatanbekam.maktoobblog.com/

1:47 م  
Blogger yasmine said...

الف مبروك يامحمد وعقبال السنة الجاية متنزلوا 8 كتب او 6انا مش عارفة المتتابعة بتاعتكم عاملة ازاى 246 ولا متضاعفة 248 طبعا اتمنى انها تكون متضاعفة
وانا واثقة طبعا ان كل الكتب هتكون حلوة مع انى للاسف مقرتش غير الاطباء لايقولون اه بس عجبنى جدا
وان شاء الله احاول الاقي الكتب قبل ماتخلص

3:18 ص  
Anonymous غير معرف said...

الف مبروك يا باشا وعقبال الف كتاب بس هينزل المنصوره امتى ابقى احجزلى نسخه وحياه العيش والملح د.ريهام رضا

9:59 ص  
Blogger نوسه said...

ما شاء الله
الف الف الف الف مبروك
ربنا يوفقكم جميعا ياااااااارب
بس انا مش عارفه معرض الكتاب معاده امتى
وكل سنه انوى اروح واقول بعد الامتحانات واول مااجى اروح يقولولى ده خلص خلاص

حظهم وحش كنت هشترى وانفعهم هما الخسرانييين

4:52 م  
Anonymous هبة المنصورى said...

سلام مربع.. ومبروك مضروبه ف أربعه ليكم

وعلى رأى مروة.. أنا عايزه من ده
على فكرة يامحمد مروة عامله حملة دعائية ف كل حته.. لازم يكونلها نسبه م الأرباح

9:24 ص  
Blogger ra7eel said...

الف مبروك

فعلا الاغلفه شكلها جميل وكمان اسماء الكتب لذيذه

ربنا يسهل ويوصلوا عندنا

ربنا يوفقكوا يارب

تحياتى وتقديرى

10:05 ص  
Blogger Doaa Samir said...

مبروك لينا كلنا، ويا رب يوفقنا كلنا، ويا رب يا كريم تهون علينا كلنا بالأخص الغلابة اللي أول مرة يجربوا مواجهة ما كتبوه مطبوعاً وبين دفتين وكده.. وأول مرة يطلعوا بعضاً منهم للعيان خارج نطاق البيت والصحبة والأحباب... أنا عايشة في جو امتحانات وترقب من فترة طويلة.. لأ وكمان مفيش معيار نقدر نقيس بيه لأنه كله توفيق من الله.. خلاص أعصابي أنا بقت "مفرولة" زي الخميرة بتاعة نينة يا محمد!د

12:03 ص  
Blogger كراكيب نـهـى مـحمود said...

مبرووووووووووووووووووووك

12:47 م  
Blogger د/اجدع بنوته said...

الانسان اصله جوافه ده مشكله ههههه

الصراحه انا بحب كتاباتك جدا وحسام برده جدا

ولذلك متحمسه جدا ليوميات مدرس ف الارياف و 999

وكتابات دعاء سمير الرقيقه جداا

بالتوفيق للمجموعه باذن الله

وان شاء الله تنفذ الطبعه الاولى والتانيه كمان

بالتوفيق ياابطال

8:27 ص  
Blogger صالح سعيد said...

السلام عليكم
اذيك يا استاذ محمد
وكل سنه وانت طيب ويا رب تحقق كل امنياتك فى العام الجديد
والف مبروك على صدور كتابك وانا متاكد انه هيكون صاحب فكره لانى بحترم كتابتك بجد وزى مقالت الصديقه بلدياتى مروه جمعه
يا رب اشوف كتبكم مترجمه
تمنياتى لك بمزيد من التوفيق لانك تستحق كل خير بجد
ارق تحية

3:27 م  
Blogger Hosam Yahia said...

مدونه جميله وان شاء الله نشترى الكتاب

2:25 ص  
Anonymous غير معرف said...

مع انى لم اقرء اصدراتكم ولكنى اتوسم خيرا فى الاستاد محمد عبية ان يرسل لى كتابة كهدية مثلا. وان جيت للحق انا اعتبر نفسى من متسولى الانترنت اعمل اية عايش على الشحاتة وخصوصا فى الكتب بالدات لان صعب واحد زى حالتى يشترى كتاب بس بقلك اية اوعا تفكر انى بشحت منك ومع انى استمتع لكل مواضيعك فى بص وطل علشان كدة عايز تشحتنى كتاب لو عجبنى هحوشلك حقة واهيلك ثمنة هههه فى رعاية الله صاحب الكتابة الممتعة والشيقة

2:00 م  
Blogger لماضة said...

مبرووووووووك
طيب فين بقى نسختى الموقعه باهداء شخصى من حضرتك وهى كالاتى
اقر انا محمد هشام عبيه المالك فكريا وانا فى كامل قوايا الكتابيه
اهداء نسخة هذا الكتاب 999 ملاكى الديزه للماضة صاحبة مشروع دكتوره عن قريب الخيرى ومن قدم شىء بداه التقاه والله على ما اقول شهيد


مبروك يا افندم على الكتاب وان شاء الله انقب عنه هو الطب اصله جوافه عشان اشوفها كانت ببذر ولا بلدى
:)
تحياتى

3:37 م  
Blogger ibn nasser - ابن ناصر said...

مبروك الكتاب وان شاء الله نجيبة عشان انت كاتب متميز
تحـياتي

2:46 ص  
Blogger محمد هشام عبيه said...

شكر كبير في الأول لكل من بارك وهنأ وشجع وأسعدني بكل هذا الاهتمام
مروة جمعة:يافندم- برضه يافندم!- تشكرات من هنا لغايو الزقازيق على كل هذا الاهتمام والمودة.. نتعب لك في فرحك.. صدور كتابك الأول يعني!
هيثم أبو خليل: منور ياباشمهندس أشكرك جدا ع التشجيع والمحبة

ياسمين: أشكرك جدا ياياسمين.. المتتابعة بتاعتنا ماشية بالبركة ليس أكثر! بس ربنا يسهل وممكن ننزل حاجة في الصيف كمان يارب..لو ماقدرتيش تيجي القاهرة فالكتب موجودة في مكتبة "بوك أند بينس" في المنصورة أمام نادي جزيرة الورد أهي أقرب برضه بيتهيألي!
د.ريهام: ميرسي يافندم.. الكتب موجودة في المنصورة زي ماقلت فوق من شوية ماكنتش معانا ولا إيه!
نوسة: المعرض هيبدأ يوم الخميس 24 يناير وهيقعد أسبوعين.. مافيش حجج بقى!
هبة المنصوري:لو عايز من ده بصحيح روحي المكتبة في المنصورة.. أما نشوف المليون نسخة اللي حطينهم هناك هيخلصوا امتى!
رحيل: أشكرك جدا
دعاء سمير:عارف أنا أعصاب الخميرة المفرولة دي! أجمدي كده إن شاء الله كتابك هيعمل شغل ماحصلش.. ده عليه بصمة بالدهب!
كراكيب: الله يبااااارك فيك
د.أجدع بنوتة:أشكرك جدا ..يارب الكتب الأربعة تعجبك كلها
صالح سعيد: الله يخليك ياعم صالح.. همتك بقى معانا في ترجمة الكتب إلى اللغة السنسكيترية!
حسام يحيى: أشكرك ويسعدني جدا اقتناءك للكتب
أنينموس:أشكرك جدا ويسعدني ان ارسل لك نسخة من الكتاب بس مش لما أعرف الأول هأبعته لمين؟
لماضة: تعال المعرض وأنا هأكتب لك اهداءات على طول الكتاب وعرضه! وكتاب الأطباء طبعته الأولى خلصت ومافيش طبعة تانية دلوقت.. بس هأحاول أجيب لك نسخة
ابن ناصر:أشكرك جدا ومستني أعرف رأيك لما تقرأ الكتاب

4:30 ص  
Blogger yasmine said...

تخيل النهاردة لسه مكتشفة المكتبة دى بما اننا النهاردة اول يوم فى الاجازة فمش بنروح وانا خدت بالى منهابس قلت مش داخلة انا رايحة معرض الكتاب وبعدين الحقيقة المكتبة دى نضيفة اوى الواحد خاف يدخلها هههههههههه
وبعدين يعنى ايه بينس اساسا ؟حبوب؟
لا اناان شاء الله هروح معرض الكتاب
والف مبروك مرة تانية
سلام
بس انا مفهمتش برضه معلش انا غبية حبتين يعنى الكتب موجودة دلوقتى فى بوك اند بينس ولسه هتيجى
اصل لو هيا موجودة خلاص يبقي اجيبها من هنا اسهل انا مش ضمنةنفسي لانى بقرر اعمل حاجات كتير ومش بعمل ولاحاجة

2:38 م  
Blogger أشرف حمدي said...

ايه الحلاوة دي يا فنان
ألف مبروك على الاصدارات الجديدة

5:23 ص  
Blogger e7na said...

مبروك يا استاذ محمد

السلسله هتكون رائعه ان شاء الله

3:50 م  
Anonymous هبة المنصورى said...

ماشى..رحت "بوكس آن بيــنز"-على فكرة بينز مش بنس..وبينز تمشى فول ولو جرين تبقى فاصوليا ولو كيدنى تبقى لوبيا بس المقصوده الكوفى بيــــنز- مالقتش حاجه.. بس كتبت ف الاقتراحات عشان يجيبو السلسله دى
تصور لسه مخلصه كتاب د.بستانى..بس حاجه بديعه بجد..الكتاب محشى حواديت وكلها ممتعه

1:40 ص  
Blogger yasmine said...

شكرا ياهبة علشان فهمتنيى المعنى اصل هو الواحد بس مستغرب الاسم
عموما انا رحت جبت الكتاب خلاص يامحمد بس لسه مخلصتهوش لان تقريبا كلله قريته قبل كده على بص وطل وعالمدونة وانامش بحب اقرا حاجة مرتين بس هقراه برضه مش اشتريته لازم يتقرى وجبت برضه يوميات مدرس فى الارياف بس كالعادة لقيتنى قرياه كله قبل كده لم استمتع
بتاع دعاء مش موجود وبتاع احمد عمار شكله حلو عجبانى فكرة السي دى بس مجبتوش برضه لانى ماليش فى الشعر قد كده
يالا استنى 128يمكن يطلع فيه حاجة جديده
سلام

2:21 م  
Blogger بيقولوا سايكو said...

ألف مبروك عليك و عليكوا .. أنا لسة ما رحتش المعرض بس هو ليه الجناح بتاع دار ليلى ممكن ما يبقاش فى مكانه .. ده الواحد بقى خلاص حافظ الأماكن يعنى

2:45 ص  
Blogger Noha said...

يعني بنحيي و بنقول الف الف مبروك لكتابنا الكبير محمد هشام باشا عبية هو و بقية مجموعة من اول السطر و باقوله من آخر السطر البولمان انا رايحة اركبه اهه عشان اجيب النسخة بتاعتي
تحياتي الجامده جدا

2:52 ص  
Anonymous غير معرف said...

اخيراً لقيت مدونتك يارجل انت دوختنى ولففتنى السبع لفات علشان الاقى مدونتك واخيرا بعد معركة شرشة بينى وبين محرك جوجل عثرت عليها ولكن بعد حصار موقع الانترنت وفرض عقوبات على كل من يزعجنى وانا ابحث عنك يعم الحج انا مش عارف مبسوط قد اية انا لقيتك فى وسط الزحمة دى وهو حضرتك زانق نفسك لية كدة ومخلى نفسك فى حتة عتمة مش عارف تطلع فى حتة نور حتى يسهل العثور عليك ولكن باركلى انى بعد عذاب استمر ساعة وجدتك اصل انا خايب نت ويدوب بستهجا الحروف بقلك اية انا رايح معرض الكتاب يوم الخميس اللى جى انت هتكون موجود هناك ويارب الاقى كتابك بتاع ثلاث تسعات دة عارف انى دوشتك متزعلس من رغيى اصل اللى بحبهم دايما بكون رغاى معاهم فاستحملنى
عبدالناصر

12:08 ص  
Blogger إبـراهيم ... معـايــا said...

الأجمــــــــل ...محمد باشا هشام، ممممممم بذكاءك السياسي، استطعت أن تجبرني على شراء الإنسان أصله جوافه في مقدمة 999، أو 3 تسعات، وهو رقم عزيز فعلاً لمن يسكن في السعودية ـ بالمناسب ـ إذ يدل مباشرة على البوليس .............
المهم، الكتاب جميل، وخفيف ، ولظيظ ، ويتاكل أكل
.
.
ومبروووك لدار ليلى إنها سبقت الشروق ف النشر لمدونين زي سعادتك ....حــاجـــة تطمن الواحد
.
.
تحياتي لبقية رفقاء الكفاح، والسلاح ، والمطاوي .......... وحياتي الخاصة لك

12:57 م  
Blogger لماضة said...

شوف بقى يا عم محمد
انا خلصت ثنائيتين من الربعايه اللى انت كاتبها وماشيه فى الثلاثيه دلوقتى
هبعت لحضرتك تعقيب مفصل عن كتابك على الميل ان شاء الله
وفى انتظار نسخت كتاب الاطباء بفارغ الصبر
ياريت تبعتلها بسرعه على ورقة عرض حال دمغه

11:32 ص  
Blogger مصطفى محمد said...

مبروك على الاصدار
سأقرأه ان شاء الله

ممكن اي ميل الدار؟

تحياتي

8:24 م  
Anonymous هبة المنصورى said...

فينك يامحمد؟
ده التراب ردم الدنيا
طب مين هيشترى الكتب كده وأنت راكنها ع الرف هنا من شهر؟ العنكبوت؟

على رأى المثل -اللى جدتى دايماً تقوله- نضف بيتك- قصدى بلوجك- ورشه ماتعلم مين يخشه

9:14 م  
Blogger أبوشنب said...

الف مبروك ابنك التاني يا محمد باشا

وعقبال نوبل الادب يا رب

10:05 م  
Blogger أسامة أمين said...

يا باشا كتابك 999 جامد جدا ... ايه الحلاوه دى ... لا الصراحه يستاهل الخمسه جنيه وعليهم بوسه ... بص بقى انا عامل مدونة جديده اسمها شمو نشادر يا ريت تشرفنى بس انك تبصلى وتطللى عليها كده ... www.nashader.blogspot.com

5:03 م  
Blogger أنا وهي said...

انا بقي ماليش دعوة انا عاوزة نسخة مافيش دليفري
الف الف مبروك يامحمد وعقبال الكتاب المليون

4:14 م  
Blogger أنا وهي said...

المهم انا عرفت انك نزلت كتاب اخر يوم في المعرض ومالحقتش اروح اجيبه وكنت عمالة ادور علي مدونتك عشان حتي اعرف الكتاب اسمه ايه واشتريه ومحتاسة يلا هابقي ادور في المكتبات بقي او استني المعرض الجاي وابقي اشتريه

4:18 م  
Blogger سلمــــَى said...

السلام عليكم ورحمه الله وبركاته ،،،
بجد ما شاء الله عليكم ومبروك ليكم كلكم ،،
أنا أول مره أدخل هنا على المدونه دى لأن لسه مشتركه جديده بالمدونات ،،
بس عجبتنى أغلفة الكتب جدا وعناوينها أيضا ،،
للأسف لم أذهب لمعرض الكتاب ذلك العام ،،
بإذن الله سأحاول متابعة كتاباتكم ،،
وفقكم الله ،، وإلى الأمام دائما ،،،

2:53 ص  
Blogger حمامة said...

الف مبروك يافندم والله
بس ياريت تحددلنا مجموعة مكتبات نجيبها منها الله يكرمك

بالتوفيق إن شاء الله :)

11:48 ص  
Blogger أسامة أمين said...

يا عبيه انت طول عمرك جامد سواء فى بص وطل ولا الدستور ولا هنا .. أسامة أمين وعامل مدونة جديده اسمها شمو نشادر .. ابقى بص ..

6:34 م  
Blogger عمرو said...

جزاك الله خيرا

ومبروك ياباشا

5:57 ص  
Anonymous antique equestrian prints said...

black mold exposureblack mold symptoms of exposurewrought iron garden gatesiron garden gates find them herefine thin hair hairstylessearch hair styles for fine thin hairnight vision binocularsbuy night vision binocularslipitor reactionslipitor allergic reactionsluxury beach resort in the philippines

afordable beach resorts in the philippineshomeopathy for eczema.baby eczema.save big with great mineral makeup bargainsmineral makeup wholesalersprodam iphone Apple prodam iphone prahacect iphone manualmanual for P 168 iphonefero 52 binocularsnight vision Fero 52 binocularsThe best night vision binoculars here

night vision binoculars bargainsfree photo albums computer programsfree software to make photo albumsfree tax formsprintable tax forms for free craftmatic air bedcraftmatic air bed adjustable info hereboyd air bedboyd night air bed lowest pricefind air beds in wisconsinbest air beds in wisconsincloud air beds

best cloud inflatable air bedssealy air beds portableportables air bedsrv luggage racksaluminum made rv luggage racksair bed raisedbest form raised air bedsaircraft support equipmentsbest support equipments for aircraftsbed air informercialsbest informercials bed airmattress sized air beds

bestair bed mattress antique doorknobsantique doorknob identification tipsdvd player troubleshootingtroubleshooting with the dvd playerflat panel television lcd vs plasmaflat panel lcd television versus plasma pic the bestThe causes of economic recessionwhat are the causes of economic recessionadjustable bed air foam The best bed air foam

hoof prints antique equestrian printsantique hoof prints equestrian printsBuy air bedadjustablebuy the best adjustable air bedsair beds canadian storesCanadian stores for air beds

migraine causemigraine treatments floridaflorida headache clinicdrying dessicantair drying dessicantdessicant air dryerpediatric asthmaasthma specialistasthma children specialistcarpet cleaning dallas txcarpet cleaners dallascarpet cleaning dallas

vero beach vacationvero beach vacationsbeach vacation homes veroms beach vacationsms beach vacationms beach condosmaui beach vacationmaui beach vacationsmaui beach clubbeach vacationsyour beach vacationscheap beach vacations

1:18 م  
Blogger ندا منير said...

الف مبروك يا استاذ محمد
ولازم هكون حريصة على شراء الكتب دى وقرائتها

4:44 م  
Blogger inwowgold said...

WoW Accountbuy wow gold,wow power leveling,Cheap WoW Accountwow gold,Hudson, Dunn declare free agencyworld of warcraft gold,cheap wow gold,world of warcraft power leveling,world of warcraft gold,buy wow gold,Buy WoW Accountbuy wow gold,wow power leveling,ffxi gil,ffxi gil,world of warcraft power leveling,World of Warcraft Account,sell wow gold,wow power level,wow gold for sale,power leveling,,wow power level,WoW Accounts for Sale, faith and creditwow gold for sale,power levelingwow power level,buy cheap wow gold.Gold

4:58 م  
Blogger will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

4:41 ص  

إرسال تعليق

<< Home