من نفسي

بكسر النون

الاسم:
الموقع: الدقهلية- القاهرة, Egypt

الخميس، يونيو 30، 2005

هي بتشتغل إيه بالظبط

هي بتشتغل إيه بالظبط؟!م

إذا ابتلعنا أن السيدة سوزان مبارك يمكن أن تفتتح مكتبة للقراء ة والمطالعة باعتبارها مهتمة بالشأن الثقافي ،وأن تفتتح ناديا رياضيا باعتبار أن الثقافة والرياضة أخوات ، فهل من مهام حرم رئيس الجمهورية أن تفتتح مركزا طبيا لعلاج الأورام؟ وإذا كانت هذه هي مهمتها فماهي مهام رئيس الوزراء ووزير الصحة؟
وإذا ابتلعنا هذا الافتتاح أيضا ، فما هو الداعي لأن يرافق حرم رئيس الجمهورية في زيارتها للمنصورة –التي جرت منذ أسبوع-6 وزراء و8 محافظين؟! آه والله ..14 مسئولا في الدولة كانت مهمتهم يوم الأربعاء الماضي أن يكونوا– فقط- مرافقين لحرم رئيس الجمهورية في زيارتها للمنصورة وتغور بقى مصالح الناس ومشاغلهم!
وإذ يمكن أن نقتنع أنه لايجوز من باب الأتيكت يعني أن تفتتح السيدة سوزان مبارك ناديا رياضيا دون أن يرافقها وزير الشباب ممدوح البلتاجي ، وهنستعبط وهنفترض أن وزير التنمية الإدارية "د.عبد الرحيم شحاتة" كان في استقبالها من أجل افتتاح مكتبة مبارك العامة "على اعتبار أن القراء فن من فنون الإدارة برضة!"، وإذا كان منطقيا أن يكون وزير التعليم العالي موجودا لأن مركز الأورام تابع لجامعة المنصورة التابعة للوزارة ،إذا كان يمكن أن نقبل وجود هؤلاء الوزراء على مضض فما هي الحاجة لوزراء التعليم والتعاون الدولي والبيئة!ك
إلا إذا كان الهدف هو أن يستغل وزير التعليم الزيارة لرؤية جامعة المنصورة بيته الأول ، وأن تطمئن وزيرة التعاون الدولي "فايزة أبو النجا" على أحوال العاملين بالسفارة المصرية في المنصورة! وأن يتأكد وزير البيئة "ماجد جورج" من أن هواء المنصورة غير ملوث ويمكن للمسئولين الكبار أن يزورها دون كمامات!ك
وإذا كان طبيعي جدا أن يكون في استقبال حرم الرئيس محافظ الدقهلية ، حتى ولو من أجل أن يؤكد لها أن الكام ألف عيل اللي أتولدوا في الكام شهر اللي فاتو في محافظة الدقهلية زيهم زي الستة مليون التانين -اللي اتكلم نيابة عنهم يوم زيارة الرئيس مبارك للمنصورة - برضة يبايعون الرئيس مبارك مدى الحياة ! فما هو الداعي لأن يكون في استقبال السيدة سوزان مبارك محافظين "دمياط- بور سعيد- الشرقية- المنوفية- الشرقية-الغربية- القليوبية- كفر الشيخ"! ده زيارة الرئيس مبارك نفسه في يناير الماضي للمنصورة لم تحظ بهذا العدد الضخم من المسئولين .
هو فيه إيه ياجدعان، ومع كامل احترامي لـ"ماما سوزان" هي بتشتغل إيه بالظبط؟!ك

13 Comments:

Blogger أحمد said...

بتشتغل نفسها

5:19 م  
Blogger Mr-Biboooo said...

يا سيدى عزبة و اشتروها لكن يا سيدى سيبك من الحاجة سوزى و اسأل صح مستر جمال مبارك هو اللى بيشتغل ايه
طب تصدق و تامن بايه سوزان اعمالها احسن من جوزها على الاقل متوجهة للشعب

5:11 ص  
Blogger freedom said...

بتشتغل حرم السيد الرئيس والسيدة مامت ولى العهد فى
الجمهورية الملكية المصرية

2:54 م  
Blogger Doaa Samir said...

معقولة يا محمد يا هشام؟! كل الجوقة كانت هناك؟! ايه ده!!! إياك تكونش إنت كمان كنت معاهم!!د
بس سؤالك وجيه وأنا فكرت فيه قبل كده بطريقة تانية... "هو مكتوب في البطاقة الشخصية بتاعتهم ايه؟ يعني توصيفهم ايه؟!" ده في حالة لو عندهم بطاقة شخصية
مش عارفة

9:19 ص  
Blogger محمد هشام عبيه said...

ebles:والله ده احتمال وارد
mr- bibooo:لا أعتراض لي أن سوزان مبارك لها أعمال جيدة لكني فقط أتساءل عن صفتها وهي تقوم بهذه الأعمال ناهيك أن بعض الصحف الأجنبية اشارت أنه هي التي تقود تيار التوريث في الأسرة المباركية .
freedom:تفتكر الواحد ممكن يشتغل في نفس الوظيفة دي إزاي
دعاء:أه والله كل الجوقة "حلوة الجوقة دي!" كانوا هناك، طبعا ياريتني كنت معاهم ! أعتقد أن المكتوب في البطاقة الشخصية هو المكتوب في رد freedom صباح الفل!

12:37 ص  
Blogger Zeryab said...

أمى سوزان
تحية طيبة وبعد
أعتذر بشدة عن عقوق أبنائك ده انتى وبابا مبارك وأخويا جمال وعلاء الخير والبركة
أنا من غيركوا أبقى يتيم
ده كفاية علية طلتك البهية مع عمو فاروق حسنى وعمو أنس الفقى
إمضاء
منافق مبتدىء

7:30 م  
Blogger المليجي said...

لم يحدد الدستور المصري أو أي من مواد أي قانون في تاريخ البني آدمين ان السيدة قرينة السيد لها صفة ما
يعني أنا باستغرب زيك لما يقولوا انها افتتحت مكان أو عملت أو سوّت
لا هي عملت حاجة من دول بفلوسها ولا هي ليها صفة رسمية

12:29 م  
Blogger محمد هشام عبيه said...

Zeryab:تؤ تؤ..شكلك كده فعلا لسه مبتدئ في النفاق..بقى تقول لماما سوزان أمي..وهي في سن أختنا الكبيرة!
المليجي: ماهو ده الجمال..هو ده الجديد..عشان تقعد تفكر طول الليل في السؤال نفسه..هي بتشغل إيه؟

12:22 ص  
Blogger odabati said...

جرى ايه يا محمد ؟ انت ناسى يا راجل برضه اننا مصريين واصحاب تقاليد شرقية؟
يصح برضه الست تروح بلاد وتشوف عباد ومافيش راجل معاها؟ طب جوزها مشغول وولادها مش فاضيين يبقى حد من اللى عندهم وزير ولا محافظ ولا حاجة!
وانت مضايق روحك ليه؟ يعنى تفتتح حاجة ولا تروح للكوافير وتقعد فى النادى؟؟

4:02 ص  
Blogger محمد هشام عبيه said...

أدباتي: عندك حق برضة..تاهت عني خالص حتة التقاليد الشرقية دي..طيب تقولي وأنا برضة ممكن أكون معاها

9:33 ص  
Blogger AZ said...

بتشتغل ايه!!!!!! هههههههههههههههه قول انت بابا حسنى بيشتغل ايه... قريب اوى هنشوفه بيشتغل تريكو وهو بيتفرج عالمدام وهى بتلقى خطبه سته اكتوبر... برده قعدة الراجل فى البيت ستره

ملحوظه مالهاش علاقه بأى حاجه
مجلة احنا مبسوطين جدا من ان فى حد لاحظ مجهودهم اللى بذلوه فى الكام شهر اللى فاتوا...

7:08 م  
Blogger mido_egyptian said...

شوف يا سيدى بتشتغل اية تقدر تقول زى ما العالم كلة بيلقبها سيدة مصر الاولى ولو جيت تحسب الموضوع من وجهة نظر تانية هتلاقى اناه حرم رئيس الجمهورية وتحمل عدة مناصب سياسية واجتماعية وايضا اقتصادية .
ولو جيت تشوف هى بتعمل اية هتلاقيها والله بتعمل حاجات كتير اوى للناس وكفاية اننا بنشوف اعمالها اكتر من اعمال الرئيس يعنى انا هئولك على حاجة روح زور مدينة فى القاهرة اسمها مساكن زنهم كانت عبارة عن مساكن معفنة جدا شوفها دلوقتى بقت شكلها اية بعد اهتمام سوزان مبارك بيها وكمان حاجة تانية موضوع الاهتمام بشلل الاطفال دة والى بجد حاجة ربنا هيكتبهلها فى ميزان حسنتها بجد ومن غير تريئة وحاجات كتير اوى .
بس بردة انت عندك حق ملهوش لزمة كل البروماجندة الى بتتعمل ليها وهى رايحة اى مكان .
وكمان بلاش تتعمل هذة البروماجندة لناس كتير يعنى ياريت ميقفش ميدان التحرير لما يخرج عضو مجلس شعب او شورى من المجلس او ميبقاش وزير رايح مكان ما وبردة بيقف الشارع كلة .
ياراجل دة حتى محافظ الجيزة بيقفلة الشارع كمان لية وهو مستهدف هو كمان والاغرب بقى انى شفت بنفسى الشارع بيقف لعادل امام وهو رايح مسرح الزعيم بالهرم ودة حقيقها بيلمسها سكان شارع الهرم او السيارات التى تمر من هذا الشارع بأستمرار .
يا خوفى للشارع يقف بعد كدة لسعد الصغير وشعبان عبد الرحيم .
من الخر كدة سيبوا الست سوزان فى حالها وخلوها تشوف شغلها على الاقل هى بتعمل حاجات كتير للشعب .
وتعالوا ننقاش حاجات اهم زى مواكب الوزراء والماحفظين ومديرين الامن وبعض الفانين .... الخ .
اسف للاطالة
ميدو ..

2:40 ص  
Blogger will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

4:44 ص  

إرسال تعليق

<< Home