من نفسي

بكسر النون

الاسم:
الموقع: الدقهلية- القاهرة, Egypt

الاثنين، يوليو 31، 2006

خرس

خرس
منذ سنوات ليست بالبعيدة عندما كنت طالبا في الجامعة، كانت رؤيتي لمنزل فلسطيني متهدم أو لكوبري عراقي انقسم نصفين كفيلة بأن تجعلني أخرج في مظاهرة أو اكتب بضع سطور أهاجم فيها إسرائيل وأمريكا والأنظمة العربية المتعاونة معهما.. الآن..وقد باتت صور جثث الأطفال اللبنانيين تقتحمنا في كل جريدة وموقع وقناة تليفزيونية..لم أعد قادرا على التفوه بحرف أو كتابة كلمة واحدة.. لا أعرف هل السبب هو أن مشاعر المرء تبلدت بالفعل، أم لأن الواحد اكتشف بأن الكلام لاقيمة له ولايعيد الروح للعيون التي اجتثت منها الحياة..أم لعلهما الأثنين معا..

30 Comments:

Blogger salateenoo said...

إحنا في زمن العجز

5:39 ص  
Blogger ماشى الطريق said...

انا حاسس نفس إحساسك بالظبط لدرجة
إنى مبقتش قادر أفهم مشاعرى أو أثق فيها

7:53 ص  
Blogger Merayat said...

لا تقلق ..كلنا لدينا ذلك الاحساس . .. اما الحيرة الهادئة المتوترة في ذات الوقت
ماذا يمكننا ان نفعل؟؟

3:33 م  
Blogger محمود ماجد said...

تعرف ليه يا استاذ محمد احنا مش قادرين نتكلم ؟؟؟

علشان احنا كنا ماشيين غلط

ايوه كنا ماشيين غلط فضلنا لسنين طويلة نتظاهر ضد العدو الغلط فضلنا نتظاهر ضد شارون وشامير ورابين وبييريز وباراك لكن العدو الحقيقي ماكانش دول العدو الحقيقي كان شخص واحد بس هو مبارك

ايوه مبارك اللي خلانا حتى المظاهرات علشان مناصرة الضحايا مش قادرين نعملها

مبارك اللي قوات الأمن بتاعته طحنتنا في ميدان التحرير لما حاولنا ننصر لبنان

مبارك اللي خلى الشعب ده والبلد دي عبارة عن مسخ صورة باهتة ما بتتكلمش

الطريق إلى تل ابيب يبدأ من القاهرة

9:22 ص  
Blogger شيماء زاهر said...

لأن التظاهر مش حيفيد بحاجة اللهم إنه حيصحصح الناس شوية وإللي بيتظاهر إنهارده عشان لبنان، ممكن تجيء له الجرأة بعدين ويتظاهر لما تذكرة المترو تبقى بجنية وربع أو جنية ونص...صحيح أني عمري ما دخلت مظاهرة، بس الفكرة دلوقتي مش بعيدة عني..أنا بس عايزة أقول لك إني علقت علم لبنان في العمارة بتاعتنا والبواب ما كنش عارف ده إيه إللي عايزة أعلقه ونفس الشيئ في السوبر ماركت إللي جنبنا...مش عارفه..

12:25 م  
Blogger Dido's^^^ said...

لأننا يا محمد عملنا كده كتير .. و مفيش فايدة .. لا الكلام أثر و لا المظاهرات

:(:(:(:(

ان لم يكن التحرك أقوي من ذلك .. بيقى نقعد جنب حكامنا نستنى الدور لما يجي علينا

2:25 ص  
Blogger karakib said...

دخلنا الحروب بكل ما نملكه من مواهب الخطابه ...
بالعنتريات التي ما قتلت ذبابه !!
هي دي الحقيقه ... كفايه كلام ...
في حاجات تانيه اهم من الكلام و المظاهرات ...
هاني جورج

11:18 م  
Blogger محمد هشام عبيه said...

أحمد سلطان:اختصرت..فقلت الحقيقة بالظبط
ماشي الطريق: مشكلة أن نكون جميعا متساوون في الشعور بالحيرة في مشاعرنا
ميريات:سؤال إجابته صعبة
محمود ماجد:اتفق معك تماما في رأيك..والنبي بلاش حكاية أستاذ محمد دي
شيماء:حكركة العلم دي جامدة ياشمياء..وماتشغليش بالك بكلام البواب أو صاحب السوبر ماركت..في كتير غيرهم عارف وفاهم
ديدوس:بس أكيد فيه حل يعني
كراكيب:عشان كده أنا مش عارف أتكلم

10:19 ص  
Blogger أبو أمل said...

بنص لسان ممكن
نقول
ومن غير لسان كمان
الخرس مش بالكلام
الخرس بالخوف
اللى متشعبطين في آخر عربية فيه
القطر اللى هيدهسنا
ولا داريين
تحياتى يا استاذ محمد

زورنى
وقوللى رأيك فى
قصيدة خيار السلام

3:49 م  
Anonymous جمال الدولى said...

تحياتى
لك يا استاذ محمد
ارجو زيارة مدونتى
والنصح

3:51 م  
Blogger BaNgBaNg2 said...

وصلنا الى حاله ضعفنا فيها لو نتكلم ونعيد ونزيد مانقدر انسوي شيء لان الكلام ما منه فايده

3:57 م  
Anonymous sara pharmacy said...

هوة الموضوع اصبح تبلد عام في مشاعر المصريين لا فرح بنحس بيه و لا حزن بيأثر فينا و كمان الفضائيات كمان ساهمت في كده من غير قصد لان الزيادة في بث المشاهد المأساوية مش بالضرورة انها تحفز الوعي ساعات ممكن تأتي بنتيجة عكسية انه الواحد يتأقلم علي هذة المشاهد و تصبح شيء معتاد حتي الواحد ممكن ياكل و هو يتفرج عليها بس ساعات كتر الماسي يولد التعود و التعود يولد البلادة و احنا ما شاء الله دخلنا في سكة البلادة في كل المجالات بس لازم برضه الفضائيات تشوف شغلها و لازم يكون في حل فعال و يفوق المصريين لان اكثر من 30 سنة بلادة محتاجة زلزال علشان يزحزحها سارة شحاتة

2:27 م  
Anonymous tulipe noire said...

" تصبح شيء معتاد حتي الواحد ممكن ياكل و هو يتفرج عليها بس ساعات كتر الماسي يولد التعود و التعود يولد البلادة"

متهيألي المشكلة أكبر من مجرد إعتياد على مشاهد الأطفال القتلى . محارق اليهود المزعومة بقالها نصف قرن بتتذاع و لسةقادرة تكسب التعاطف الدولي أعتقد ان الظلم و القهر قتلوا الإنسان اللي جوانا و كمان مفيش وعي ان الدور جاي علينا الناس فاكرة ان سياسة انبطاح الحكام هي اللي هتوفر علينا مصير العراق أو لبنان

5:42 ص  
Blogger sarah la tulipe rose said...

اتفق معك يا tulipe noire بس كلنا عارفين انه محارق اليهود و الهولوكوست علي الرغم من اقتناعي التام انه اكاذيب من اكاذيب اليهود لكنه ما زال يحظي بتعاطف سياسي و ليس شعبي لان اليهود يمل\ارسون ضغوطا قوية علي الحكومات الاوروبية تجبرهم علي التعاطف الي جانب نفوذ اليهود المتغلغل في اهم المجالات تجعل من يفكر في الشك في الهولوكوست او حتي عدم التعاطف معه يلقي مصير الكاتب الذي سجن 5 سنين و نحن اعرب لو كنا نماريس ضغوط علي الغرب مثل اليهود لكان الحال هو الحال مثل قضية نزع الالغام من العالمين و مطروح هذه ورقة ضغط قوية و لكن غير مستغلة و السبب طبعا معروف فكما قلت البلادة استشرت في كل المجالات حتي امكانية الضغط الديبلوماسي لا نريد تحمل مغبة القيام به sara shehata

10:57 ص  
Blogger meho said...

فى علم النفس بيقولوا ان الواحد لما بيشوف مناظر قتل وخراب ودمار...خلاص بيتعود ...ممكن تكون قاعد بتتعشى وأنت بتتفرج على حصاد اليوم ،،،واللى أنا حاساه أن دى أسلوب بيستخدمه الصهاينة ...عاوزين يوصلوا الناس الى حالة التبلد

5:33 ص  
Blogger محمد هشام عبيه said...

أبو أمل:هأزورك أكيد.. والنبي باجدعان بلاش حكاية أستاذ دي!
جمال الدولي: سأزروها أكيد إن شاء الله
بانج بانج:هذا هو حالنا للأسف
سارة وتيوليب: وجهتي النظر مهمتين ولهما كثير من الوجاهة ولكني أعتقد أنه لو اعتدنا رؤية الجثث والأموات دون أن يطرف لنا جفت فالعيب هاهنا على العين والروح التي اعتادت على هذا وليس على القناة التي تعرض هذه المشاهد لأن هذا في الأساس هو عملها

9:13 ص  
Blogger karakib said...

عارف اني اللي هاكتبه مالوش دعوه بالموضوع لكن الي تيوليب نوار هل تعلمين ان هذا اسم قصه اكثر من رائعه باللغه الفرنسيه ؟؟
ام هذا الاسم من خيالك ؟
انتوك

7:45 ص  
Blogger Dr. Tantawy said...

ان الله لا يغير ما بقوم حتى يغيروا ما بأنفسهم .. اعتقد دي خلاصه التجربه

جميل اني الاقي مدونتك .. اذا كنت مش بعرف اقرألك حاجه في الدستور .. فكويس اني هقرالك هنا .. بالتوفيق

9:18 ص  
Blogger sarah la tulipe rose said...

ايوه هي روايه ل
alexandre dumas le pere et non le fils. c'est un roman tres ravissant
علي فكرة انا tulipe noire
بس لقيت اللون غامق فغيرته فتحته شوية و الغريب ان الاستاذ محمد عرف كده و رد علينا مع بعض غريب مع ان وجهة النظر مختلفة :-)
حبة شيزوفرنيا بقي!!

10:11 ص  
Blogger Zanoubia said...

تاني شيزوفرنيا يا سارة احنا مش قلنا الحركات البوليسية بتاعت المدرسة دي حنبطلها انتي ما حرمتيش بعد اللي حصلنا مع مسيو رسمي اقول ولا خلي الطابق مستور احنا الحركات دي بيننا و بين بعض و مع الناس اللي بالي بالك انت مش ناوية تعقلي بقى اذا كنت أنا عقلت

2:16 م  
Blogger sarah la tulipe rose said...

السلم عليكم و رحمة الله :
ازيكو يا جماعة لمن يهمه الامر اول عيد ميلاد لجمعية رسالة الخيرية للايتام بمصر الجديدة يوم الجمعة القادم 18 الساعة 5:30 مساءا يا ؤيت تشاركو فيه للي عاوز و مرسي جدا يا استاذ محمد

2:52 ص  
Blogger sahar said...

لا ياسيدي ده لاننا متاكدين ان مظاهرتنا هنا لاحول لها ولا قوي

7:08 م  
Blogger sahar said...

انا بعتلك علي الدستور بس نسيت اكتب اسم البلوجر
ياريت تشرفني بالزيارة ولو انك قاريتلي زمان وقلت ييجي مني بس اقرالي تاني جايز يكون جه مني ويمكن تغير رايك نسيت انا غيرت اسم الموضوع الي عاوزة انشره فاصبح جاءنا البيان التالي سلام بقي
http://umahmed.blogspot.com/

2:41 AM

6:25 م  
Anonymous غير معرف said...

احم ...سلام عليكم..
انا ضيف جديد علي البلوجز دي و امبارح بس عرفت طريق المدونات دي وشباب زي الورد بصراحة و بقترح عليك يا محمد تحاول تجمع المدونات دي و تنشروها في كتاب ..سواء تبع الدستور أو في دار نشر مستقلة و أكيد هتلاقوا رجل أعمال حقيقي _مش من أهل القروض و الأحتكار _ يتولي الموضوع ده و يعتبره تبرع لنشر أفكار جيل كامل بيحاول يغير من حال بلده بس عصيان ولاد مصر الغلابة ..الأمن المركزي وقفاله بالمرصاد
كتاب فيه كل الكلام الجميل ده هينتشر زي النار في الهشيم و هتكون أحلي نار في أحلي هشيم ..شباب مصر اللي لسه مخه مخدش قرار ازالة بفضل التعليم المصري و اعلام التفاهة و السطحية .
بالنسبة للبوست بتاعك فعايز أقولك أن أحساسك ده مجرد هدوء هيسبق العاصفة اللي هترجعلنا مصر بلدنا ..الهدوء ده يستمر شهور يستمر سنة أو أكتر بس اهم حاجة العاصفة تطلع صح و تتوجه صح و بعد ما تخلص تستغل صح
يا رب كلامي يوصل و فكروا معايا بصوت عالي و يمكن ده يمسح الكسل عن عقولنا اللي جالها بيات صيفي و شتوي و ربيعي و خريفي كمان
أخوك / ضياء .. 6 أكتوبر

12:14 ص  
Anonymous غير معرف said...

معلش لأني مختصرتش و يا رب مكونش ضيعت وقتك يا محمد و ميلي أهو لو ليك أي رد
infernal_themind2050@yahoo.com
و تحياتي للدستور علي محاولاتهم انهم يعملوا جريدة تحترم قارئها قبل ما تحترم أي حد تاني و ليا ملحوظتين كده عليها بصفتي قارئ من الجيل التاني ( الأصدر التاني يعني ) بس مكانهم ميل الدستور مش هنا
سلام عليكم
أخوك / ضياء ..6 أكتوبر

12:16 ص  
Blogger Gazzer said...

ana 3ayez a2oul saba7 el fol
walawennaha mosh lay2a 3al mawdou3

ya baladeyaty;) kollena haza el ragol

9:54 ص  
Blogger LAMIA MAHMOUD said...

لم يعد هناك ما يقال اكثر مما قيل .. كل ما يقال الان قيل من قبل لكنهم ينسون دائما ينسون

4:12 ص  
Blogger لحظة صدق said...

الإتنين
http://warstime.blogspot.com/
read this
as my comment to u

3:12 ص  
Anonymous غير معرف said...

صالح سعيد
ازيك يا اخ محمد
بجد انت اتكلمت فى موضوع انا حاسس بيه لدرجة انى سميت قناة الجزيره قناة الجثث
وكمان لم اعد اتا ثر بالكلام ده خالص هستغرب جدا لو فتحت القناه ملقتش اخبار خيبتنا القويه العربيه المتحده منوره على الشاشه وشريط الاحداث مش ملاحق بجد حاجه تزهق
وعندك حق

4:57 م  
Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

4:41 ص  

إرسال تعليق

<< Home